جريدة مصر الغد الالكترونية

وفيات انفلونزا الخنازير تجاوزت العشرة الاف

سعد البحيري صحفي وباحث وكاتب وقارئ ... علي ما تفرج — Fri, 18 Dec 2009 21:28:22 +0000

اعلنت منظمة الصحة العالمية الجمعة ان حالات الوفاة الناجمة عن فيروس "اتش1 ان1" المسبب للانفلونزا تجاوزت العشرة الاف حالة منذ ظهور الفيروس في ربيع 2008.

وقالت المنظمة في موقعها على الانترنت انه "بتاريخ 13 كانون الاول/ديسمبر سجل 208 دول ومنطقة في العالم 10582 حالة وفاة بانفلونزا اتش1 ان1، اي اكثر بالف وفاة منه قبل اسبوع".

وبلغت الموجة الشتوية من الفيروس الجديد ذروتها في قسم كبير من دول النصف الشمالي من الكرة الارضية وخصوصا في اميركا الشمالية التي سجلت اعلى عدد من الوفيات بلغ 6335 وفاة. ويواصل المرض انتشاره في وسط وجنوب شرق اوروبا وفي جنوب ووسط اسيا.

الغشاء فيه سم قاتل

سعد البحيري صحفي وباحث وكاتب وقارئ ... علي ما تفرج — Mon, 12 Oct 2009 08:29:23 +0000

لحد امته ح نفضل ملطشة وقيران تجارب

لحد امته البضاعة المضروبة ح تغزو الاسواق بتاعتنا

اخر حاجة كنت اتصورها اننا نستورد غشاء البكارة

ومنين

من الصين

يا حلاوة علي راي الفنان مظهر ابو النجا

وفي الاخر يطلع الغشاء مضروب كمان وبيهدد صحة اللي تستخدمة طبقا لتصريحات سفير الصين بالقاهرة اللي اكدها اليوم لصحيفة الوفد المصرية

ياه يعني لو ما كانش الراجل اتكلم كنا بئينا سلة الزبالة بتاعت النفايات الطبية علي مستوي العالم

لازم نحاكم المسئول عن المهزلة دي

مين اللي استوردها ومين اللي بيوزعها

فين دور وزارة التجارة والصناعة

فين جحماية المستهلك

فين وزارة الصحة والتفتيش الصيدلي من كل اللي بيحصل فينا دا

لماذا مصر الغد

سعد البحيري صحفي وباحث وكاتب وقارئ ... علي ما تفرج — Sun, 11 Oct 2009 20:57:10 +0000

انه في يوم الاحد الموافق 11 كتوبر 2009 قررت ان احول مدونتي الي صحيفة الكترونية ولم اجد افضل من اسم مصر الغد كي يكون عنواناً لها.

مصر الغد هي مصر التي يتمناها الجميع هي مصرك هي مصري

هي انا هي انت هي كل ابناء الشعب المصري المخلصين

مصر الغد هي امل

هل يمكن ان نراه

اوباما والقاهرة اسعدنا بكلام فهل نسعده بعمل

سعد البحيري صحفي وباحث وكاتب وقارئ ... علي ما تفرج — Sat, 06 Jun 2009 07:57:27 +0000

هل اعطي اوباما القاهرة دورا اكبر مما تستحقه باختياره لها لالقاء خطابه للامة الاسلامية ولماذا لم يختار السعودية او الاردن او حتي قطر؟

علي مر السنوات والكل يعرف مكانة مصر الدولية ربما بسبب الموقع الجغرافي العبقري الذي قال عنه الراحل الدكتور جمال حمدان وربما بسبب الدور الاقليمي الذي كانت مصر تقوم به خلال سنوات الحقبة الناصرية او ربما لسبب اخر لا اعلمه. ولكن ما اعلمه يقينا ان الدور الخارجي المصري تقلص علي الاقل خلال السنوات الماضية واقتصر التواجد المصري علي الساحة الدولية في البؤر التي تشكل تهديد استراتيجي لامن مصر القومي .. غزة مثلا السودان ايضا ومنابع النيل وغيرها من البؤر التي تشكل مساس مباشر بامن مصر

المهم ان عمنا اوباما اختار مصر عشان يخاطب منها العالم الاسلامي فهل تستغل مصر هذه الفرصة لاعادة دورها التاريخي في قيادة المنطقة والذي تقزم لصالح دول اخري مثل قطر والسعودية وغيرها من الدول المجاورة.

هل يدرك صناع سياستنا الخارجية اهمية تلك الزيارة والعبء الملقي علي عاتقهم للانطلاق من جديد في قيادة الامة العربية والاسلامية

هل آن الاوان كي تنشط السياسة الخارجية المصرية وتلقي بظلالها علي المنطقة بدلا من الانكفاء الذاتي والانشغال بالرد علي قناة الجزيرة او الكيانات الصغيرة الاخري

يا جماعة الخير مصر كبيرة بشعبها وناسها ومكانتها التاريخية فهل ننهض لاستعادة هذه المكانة

ربما حركت زيارة اوباما للقاهرة المياه الراكدة واثبتت انه مازال لنا دور اقليمي يجب ان ننهض به وربما فوتنا الفرصة التي لن تتكرر ما حيينا وتصبح هذه الزيارة عبارة عن زيارة اسعدنا اوباما بكلامه فهل نسعده بعملنا

اخر الاخبار

سعد البحيري صحفي وباحث وكاتب وقارئ ... علي ما تفرج — Wed, 01 Apr 2009 13:22:35 +0000

اخر خبر

الخيميائي رائعة باولو كويلو

سعد البحيري صحفي وباحث وكاتب وقارئ ... علي ما تفرج — Wed, 25 Mar 2009 11:36:05 +0000

هذه اول رواية مترجمة اقراها ربما لكثرة ما قيل حولها وربما تاثرت بما قالته الزميلة اسماء قدح حول الرواية هذا دفعني الي قرائتها ولكن المفاجئة انني وجدتها رائعة لدرجة انني فرغت منها كاملة مرة واحدة وخلال ثلاث ساعات فقط بالرغم من كونها نسخة الكترونية كانت ملئية بالاخطاء اللغوية مما افقدني بعض المتعة في متابعة احداث الرواية.

الرواية مليئة بالقيم الايجابية وان كانت لا تخلو من بعض الافكار السلبية ولكن كغيرها من الادب المترجم تحتاج الي وعي ويقظة من القاري حتي يتعرف علي بواطن الامور
اعجبني التاكيد علي اهمية الايمان بالهدف والسعي نحو تحقيقه وبجد وان كل ما يخسره المرء في سبيل تحقيق هدفه لا يقدر بثمن مقابل لحظة واحدة يعيش فيها حلمه.
اعجبني ايضامقولة اذا ما حددت هدفك فان الكون كله يتضافر لتحقيق هذا الهدف
لم يعجبني في الرواية تعظيم الانا وقيم ا لايمان بالذات الفردية والتقليل من الايمان بالله
ربما اكون مخطئ

الكبار والصغار في البورصة المصرية

سعد البحيري صحفي وباحث وكاتب وقارئ ... علي ما تفرج — Sun, 11 Jan 2009 08:17:00 +0000

كتب سعد البحيري : مّثلت ٢٠٠٨م عامًا عصيبًا على الاقتصاد العالمى حيث استهل العالم العام بأزمة حادة بالغذاء واجهت الاقتصاديات النامية والمتطورة، واختتم العالم ٢٠٠٨م بأزمة مالية تعتبر واحدة من أسوأ الأزمات فى التاريخ الاقتصادى الحديث، تكبدت خلالها أسواق المال العالمية خسائر بلغت تري ليونات الدولارات خلال فترة أسابيع معدودة، وبالرغم من تحرك الدول الكبرى لمواجهة الأزمة إلا أنه بات من المؤكد دخول الاقتصاديات الكبرى بمرحلة ركود خلال الفترة القادمة بعد إعلان أمريكا واليابان وإنجلترا وباقى الاقتصادات القائدة بالعالم دخولهم فى مرحلة ركود اقتصادى.

و حافظت البورصة على إجماليات تداول مرتفعة حيث تجاوزت قيمة التعاملات حاجز ٥٣٠ مليار جنيه وهو أعلى من قيمة التداول المتحققة العام الماضى، حتى بعد استبعاد الصفقات الكبرى تظل أحجام التداول أعلى من العام السابق.

و بلغ متوسط قيمة التداول اليومى للسوق المصرى خلال ٢٠٠٨م نحو ١,٥ مليار جنيه بعد استبعاد الصفقات الكبرى مقارنة بنحو ١,٣ مليار جنيه خلال ٢٠٠٧م من جانب أخر فقد قفز معدل الدوران للسوق المصرى لأعلى مستوياته مسج ً لا نحو ٧٠% خلال ٢٠٠٨م مقارنة بنحو ٣٩% خلال ٢٠٠7م.

في حين انخفض عدد الشركات المقيدة إلى نحو ٣٧٣ شركة استمرارًا للتطبيق الحازم لقواعد القيد والإفصاح لينعكس ذلك إيجابيا على عدد الشركات المتداولة إلى إجمالى الشركات المقيدة، حيث ارتفعت إلى نحو ٨٦% مقارنة بنحو ٧٧% خلال العام الماضى.

صفقات الاستحواذ

بلغ عدد صفقات الاستحواذ المنفذة خلال العام الحالى ٢٨ صفقة بقيمة ١٠٥ مليار جنيه مصري وهو نفس عدد الصفقات االتى تم تنفيذها العام الماضى بقيمة ٣٧ مليار جنيه مصري.

وتأتي في مقدمة الصفقات التى تم تنفيذها هذا العام صفقة استحواذ لافارج على ١٠٠% من شركة أوراسكوم بلدنج ماتريالز هولدنج والتى تجاوزت قيمتها ٧١ مليار جنيه، كذلك صفقة بيع ٩٨% من شركة أوراسكوم للفنادق والتنمية لأوراسكوم القابضة للتنمية بقيمة ١٧ مليار جنيه، وكذا صفقة استحواذ أوراسكوم للانشاء و الصناعة على المصرية للأسمدة بقيمة ٨,٧ مليار جنيه، إضافة لصفقة استحواذ موانى دبى العالمية علي ٩٠% من المصرية لتداول الحاويات بقيمة ٣,٧ مليار جنيه مصري.

الطروحات الأولية

شهدت ٢٠٠٨م عدة طروحات كبرى بلغت قيمتها ٤,٢ مليار جنيه حيث قامت شركة بالم هيلز بطرح أسهمها في اكتتاب عام وخاص بقيمة ١,٨ مليار جنيه، تلاه الطرح العام والخاص لأسهم الخدمات الملاحية والبترولية ماريدايف بقيمة تقترب من ١,٥ مليار جنيه مصري والذى تم تغطيته بنحو ٣١ مرة للطرح العام و ١٩ مرة للطرح الخاص.

من ناحية أخرى فقد تم تنفيذ الطرح الخاص لشركة بايونيرز القابضة للاستثمارات المالية بقيمة ٩٠٠ مليون جنيه، و الطرح العام لشركة مصر للأسواق الحرة بقيمة ١٠ مليون جنيه فى السوق الأولى.

أنشط عشرة شركات من حيث كمية التداول

جاءت في مقدمة الشركات العشر الاولي من حيث كمية التداول شركة الكابلات الكهربائية المصرية حيث بلغت قيمة التداول 7,334.8 مليون جنيه وبلغ حجم التداول 3,084.8 مليون ورقة ووصل سعر الاغلاق بنهاية العام الي 1.24 جنيه مقابل 1.58 جنيه للعام الماضي حيث تراجعت بمقدار 21.52%.

اما المرتبة الثانية فكانت من نصيب مجموعة طلعت مصطفى القابضة حيث بلغت قيمة التداول 17,372.8 مليون جنية وبحجم تداول بلغ 2,245.5 مليون ورقة واغلقت في نهاية ديسمبر 2008م علي خسارة قدرها 74.05% حيث بلغ سعر السهم 3.08 جنيه مقارنة ب11.87 جنيه بنهاية ديسمبر 2007م.

وجاءت شركة النصر للملابس والمنسوجات – كابو في المركز الثالث بقيمة تداول 4,029.8 وبلغ حجم التداول 1,421.3 مليون ورقة وبلغ سعر الاغلاق في نهاية ديسمبر 2008م، 1.34 جنيه مقارنة ب1.97 في نهاية 2007م مسجلة انخفاض قدره 31.98%.

وجاءت المصرية للمنتجعات السياحية بالمركز 4 بقيمة تداول 7,201.5 مليون جنيه تلتها العربية لحليج الأقطان بقيمة تداول 9,705.1 مليون جنيه ثم الزيوت المستخلصة ومنتجاتها بقيمة 3,976.6 ثم العربية وبولفارا للغزل والنسيج – يونيراب بقيمة تداولات بلغت 6,956.2 مليون جنيه و الاسكندرية للغزل والنسيج (سبينالكس) بقيمة 2,148.4 مليون جنيه ثم شركة بايونيرز القابضة للأستثمارات المالية

بقيمة 9,205.5 مليون جنيه (تم بدء التداول عليها فى ٢٣ يونيو ٢٠٠) وفي المركز الاخير جاءت الصعيد العامة للمقاولات بقيمة 5,008.0 مليون جنيه.

زيادات رؤوس الأموال

قامت ٤٠ شركة بزيادة رأسمالها(SPO) خلال ٢٠٠٨م من خلال الاكتتابات بقيمة ٦ مليار جنيه، وذلك مقارنة بزيادة رؤوس أموال ٣٧ شركة من خلال الاكتتابات خلال العام الماضى بينما اعتمدت ٦٧ شركة فى زيادة رأسمالها على الزيادة النقدية أو من خلال إصدار أسهم مجانية، تعديل القيمة الاسمية، الاندماج، الاستحواذ أو المبادلة وذلك باجمالى قيمة قدرها ٧,٥ مليار جنيه، مقابل ٦٦ شركة قامت بزيادة رأسمالها باتباع نفس الطرق خلال العام الماضى بقيمة ٧,٣ مليار جنيه.

طروحات عامة وخاصة بقيمة ٤,٣ مليار جنيه

ومن الناحية الأخرى استمرت البورصة بجذب الشركات العائلية و المغلقة القوية للقيد فى السوق وتوسيع قاعدة ملكيتها، حيث شهد العام ٢٠٠٨م عملية طرح أسهم 4 شركات بقيمة٤,٢ مليار جنيه، و تمت تغطية الطروحات بنسب كبيرة وصلت فى بعض الحالات إلى ما يزيدعن ٤٠ مرة.

٦٤ ألف مستثمر جديد فى السوق
وارتفاع العدد الإجمالى إلى ١,٧ مليون جنيه

استمر السوق المصرى فى جذب مستثمرين جدد، حيث تم تسجيل ٦٤ ألف مستثمر جديد (أفراد ومؤسسات) ليصل إجمالى عدد المستثمرين المسجلين فى السوق المصرى إلى ١,٧ مليون مستثمر.

وكانت المؤسسات هى أكثر الفئات التى سجلت ارتفاعًا فى السوق المصرى، حيث تم تسجيل أكثر من ١٤٥٠ مؤسسة وكانت نسبة الارتفاع الأكبر من نصيب المؤسسات الأجنبية مما يؤكد على استمرار جاذبية السوق المصرى.

تطور أعداد المستثمرين المسجلين بالسوق المصرى خلال 2008م

بالرغم من الأزمة المالية التى واجهت الأسواق العالمية خلال ٢٠٠٨م و أثرت على السوق المصرى كبقية الأسواق، إلا أن السوق المصرى واصل جذب المستثمرين إليه حيث ارتفع عدد المستثمرين المسج لين (المكودين) بالسوق المصرى إلى ما يقرب من ١,٧ مليون مستثمر بزيادة قدرها ٦٤ ألف مستثمر تقريبا عن ٢٠٠٧م أي بزيادة قدرها ٤% عن العام السابق عليه.

و سجلت المؤسسات نسبة نمو بلغت ٥,٤% خلال ٢٠٠٨م حيث تم تسجيل ما يقرب من ١٤٥٠ مستثمر مؤسسى جديد خلال ٢٠٠٨م ليتجاوز عدد المستثمرين المؤسسات المسجلين فى السوق المصرى إلى ما يزيد عن 28,300 مؤسسة.

واللافت للنظر أن المؤسسات الأجنبية كانت هى الفئات التى سجلت أكبر نمو فى أعداد المسجلين فيها خلال ٢٠٠٨م حيث ارتفع عددها بنحو ١١% خلال ٢٠٠٨م ليبلغ العدد الأجمالى للمؤسسات الأجنبية العاملة فى السوق المصرى إلى أكثر من ٨٦٠٠ مؤسسة.

بينما ارتفعت عدد المؤسسات العربية بنحو ٨,٨% ليبلغ عددها الإجمالى بالسوق المصرى إلى أكثر من ١٧٠٠ مؤسسة وهو ما يرفع أعداد المؤسسات غير المصرية العاملة فى السوق المصرى إلى ما يزيد عن ١٠ آلاف مؤسسة.

من ناحية أخرى سجل المستثمرين الأفراد نسبة زيادة فى عددهم بلغت ٤%، حيث تم تقييد ما يزيد عن 62,300 مستثمر فرد ليتجاوز عدد المستثمرين الأفراد فى السوق المصرى حاجز ١,٦٨ مليون مستثمر.

و كانت اكبر نسبة زيادة فى عدد المستثمرين الأفراد من نصيب الأجانب الذين سجلوا ارتفاعًا بنحو ٧,٨%، حيث تم تسجيل ما يزيد عن ٤٠٠ مستثمر أجنبى خلال ٢٠٠٨م ليصل عدد المستثمرين الأجانب الأفراد فى السوق المصرى إلى ما يزيد عن ٥٦٠٠ مستثمر أجنبى.

و تفوقوا فى ذلك على نسبة نمو المستثمرين الأفراد العرب الذين سجلوا ارتفاعا بنحو ٦,٤% تقريبا خلال ٢٠٠٨م حيث تم تسجيل ما يقرب من ١٠٧٠ مستثمر عربى، بينما سجل المستثمرين المصرين زيادة قدرها ٤% تقريبا حيث تم تسجيل ما . يقرب من 60,900 مستثمر مصرى خلال ٢٠٠٨م.

تعاملات المستثمرين فى السوق المصرى

على محور قيمة التعاملات فقد قفزت قيمة تعاملات المؤسسات إلى نحو ٤٢٠ مليار جنيه وهو ما يزيد عن ضعف قيمة تعاملات المؤسسات خلال ٢٠٠٧م ويعود ذلك إلى تنفيذ عدد من الصفقات الضخمة بالسوق مما أدى لزيادة نصيبهم بتعاملات السوق وخاصة تعاملات المؤسسات الأجنبية التى قفزت إلى ٢٣٦ مليار جنيه مقارنة بنحو ١٢٣ مليار جنيه فقط خلال ٢٠٠7م.

وبتحليل أحجام التعاملات للمستثمرين فقد ارتفعت أعداد المستثمرين الذين يستثمرون مليون جنيه فأكثر للفرد بنسبة تصل إلى ٤١٪ بالوقت الذى بلغت فيه أعداد المستثمرين، الذين يستثمرون مبالغ أقل من ٥٠ ألف جنيه ٣٢٪.

في حين كان اكثر من ٧ آلاف مستثمر تزيد استثمارات الواحد منهم بالبورصة على ١٠ ملايين جنيه فيما يبلغ عدد المؤسسات التى تستثمر المبلغ نفسه نحو ١٣٠٠ مؤسسة.

وكشف التقرير السنوي للبورصة الذي تلقت الجريدة نسخة منه عن وجود ١٣٣٩ مستثمراً تزيد استثمارات الواحد منهم على ٥٠ مليون جنيه، بينما يصل عدد المؤسسات، التى تزيد استثماراتها على ٥٠ مليون جنيه إلى ٦٧٦ مؤسسة فيما بلغ عدد المستثمرين الذين تتراوح استثماراتهم بين ١٠ ملايين جنيه و٥٠ مليون جنيه نحو ٥٦٨٧ مستثمراً فيما بلغ عدد المؤسسات فى المبلغ نفسه ٦٩٠ مؤسسة، وأكد التقريرأن هناك ٥٧٧٤ مستثمراً تتراوح استثماراتهم بين ٥ و١٠ ملايين جنيه فيما يبلغ عدد المؤسسات التى تستثمر القيمة نفسها نحو ٢٦٢ مؤسسة، وفند التقرير أعداد المستثمرين الأفراد والمؤسسات التى تتراوح استثماراتهم بين مليون و٥ ملايين جنيه وما هو أقل من ذلك، موضحاً أن هناك ٩٣.٩ ألف مستثمر تتراوح استثمارات الفرد منهم بين ألف و٥٠ ألف جنيه لافتاً إلى وجود انخفاض فى أعدادهم بنسب تراوحت بين ٣٠ و٣٢٪ وهذه الفئة عدد من الأفراد قليلى الخبرة والوعى بالسوق، فيما ارتفعت أعداد المستثمرين فى باقى الفئات التى تزيد على ٥٠ ألفاً وتتجاوز ٥٠ مليون جنيه.

من جانب أخر فقد ارتفع حجم نشاط المؤسسات فى السوق حيث ارتفع إجمالي عدد المؤسسات المتعاملة بالسوق المصرى بنحو ١٥% عن ٢٠٠٧م، وخاصة المؤسسات الأجنبية التى ارتفع عدد المتعاملين الفعليين بالسوق بنحو ٢5% كما اتجه حجم الاستثمارات التى تستثمرها المؤسسات بالسوق للتزايد خلال ٢٠٠٨م حيث ارتفع عدد المؤسسات التى تضخ مليون جنيه فأكثر بنسب تتراوح ما بين ١5 الي 25%.

تعاملات الأفراد والمؤسسات

استحوذ الأفراد خلال ٢٠٠٨ على النسبة الأكبر من قيمة التعاملات بالسوق، حيث بلغت، نسبة تعاملاتهم نحو ٦٦% من إجمالى التعاملات فى السوق مق ارنة بنحو ٦١% خلال العام الماضى، وكان باقى المعاملات من نصيب المؤسسات.

و استغلت المؤسسات حالى التراجع التى مر بها السوق واتجهت للشراء حيث بلغت صافى مشترياتهم نحو ٥ مليار جنيه خلال ٢٠٠٨م وذلك بعد استبعاد الصفقات.

تعاملات المصريين والأجانب

استحوذ الأجانب على ٣٠% من إجمالى التعاملات فى السوق خلال العام الحالى، وهو تقريبًا نفس مستوى مشاركتهم فى السوق خلال العام الماضى وقد استحوذ المستثمرون العرب على ١٠% من إجمالى التعاملات بالبورصة واتجهوا نحو البيع مسجلين صافى بيع بنحو مليار جنيه، بينما اتجه الأجانب غير العرب للشراء مسجلين صافى شراء بنحو ٤٠ مليون جنيه وليستحوذوا على ٢٠% من تعاملات السوق وذلك بعد استبعاد الصفقات.

و استطاع السوق المصرى جذب استثمارات أجنبية خلال 5 شهور الأولى تزيد عن ٢,٢ مليار جنيه، ولكن مع انتشار شائعة فرض ضرائب على البورصة فقد بدأت مبيعات الأجانب تزداد لتصل فى الصافى إلى ما يقرب من ١,٢ مليار جنيه خلال الفترة (مايو – سبتمبر )، ومع النصف الثانى من سبتمبر وبدء الأزمة العالمية سجل الأجانب مبيعات مرتفعة فى السوق المصرى كما حدث جميع أسواق العالم، حيث بلغت صافى مبيعاتهم ما يزيد عن ٣ مليار جنيه خلال الفترة (أكتوبر- ديسمبر) ولكن يلاحظ أن حدة المبيعات اتجهت للانخفاض بشكل ملحوظ خلال ديسمبر حيث لم يسجلوا صاف مبيعات الا بنحو ٢٠٢ مليون جنيه مقارنة بنحو ٢,٨ مليار جنيه خلال أكتوبر و نوفمبر.

قطاع السياحة يقود الهابطين

وعلى صعيد الأداء القطاعي.. فقد أظهر التقرير السنوي للبورصة المصرية أن قطاع السياحية تصدر هبوط السوق خلال 2008م بنسبة بلغت 71% بعد تداول نحو 8ر1 مليار ورقة مالية بقيمة 32 مليار جنيه، تلاه قطاع العقارات بنسبة تراجع بلغت 69% بعد تداول 6ر3 مليار ورقة مالية بقيمة 52 مليار جنيه.

وأشار التقرير إلى أن قطاع الخدمات المالية باستثناء البنوك جاء فى المرتبة الثالثة من حيث الهبوط بنسبة بلغت 64% بعد تداول ملياري ورقة مالية بقيمة 50 مليار جنيه ثم قطاع الاتصالات بنسبة 62% فقطاع التشييد والبناء بنسبة تراجع بلغت 56%.

وجاء قطاع الموارد الأساسية فى المرتبة السادسة من حيث الهبوط بنسبة بلغت 54%، وحل قطاع المنتجات المنزلية والشخصية فى المرتبة السابعة من حيث التراجعات بنسبة بلغت 55%، ثم قطاع البنوك بنسبة 48%.

وأوضح التقرير أن قطاع خدمات ومنتجات صناعية وسيارات جاء فى المرتبة التاسعة بين القطاعات الهابطة بالسوق بنسبة بلغت 46% ثم قطاع الكيماويات بنسبة 32% تلاه قطاع الرعاية الصحية والأدوية بنحو 19%، وكان قطاع الأغذية والمشروبات أقل القطاعات هبوطا بنسبة بلغت 16%.

اضرب بوش

سعد البحيري صحفي وباحث وكاتب وقارئ ... علي ما تفرج — Thu, 18 Dec 2008 08:12:00 +0000

لعبة الحذاء

تضامنا مع الصفي العراقي منتظر الزيدي تم تصميم لعبة الحذاء

تحت عنوان
أستمتع بضرب بوش بالحذاء .. مثل ما حاول منتظر

اضرب واحسب نقاطك

للعب

اضغط هنا

http://www.majeed99.rab7net.org/hitbush.htm

نظام جديد للتداول في البورصة المصرية

سعد البحيري صحفي وباحث وكاتب وقارئ ... علي ما تفرج — Thu, 27 Nov 2008 08:21:00 +0000

يبدا تطبيقه اليوم

نظام جديد للتداول في البورصة المصرية

كتب سعد البحيري

قررت ادارة البورصة المصرية بدء العمل بالنظام الجديد فى التداول X-Stream بدلا من النظام الحالي EFA Horizon اعتبارا من جلسة اليوم الخميس الموافق 27 نوفمبر . وذلك توافقاً مع رؤية البورصة بأن تصبح مركزًا مالياً إقليمياً في الشرق الأوسط وقارة أفريقيا، و لحرصها على تطوير النظم والبرامج والشبكات المستخدمة في تسيير كافة الأعمال وأداء مختلف المهام بها، واستمرارًا لنهج التطوير الذي تقوم به البورصة لاسيما في المجال التكنولوجي .

ويتماشى هذا النظام الجديد مع المتطلبات المستقبلية لنمو وتطور أداء البورصة والخدمات المقدمة من خلالها . و هو أحد منتجات شركة Nasdaq OMX العالمية .

وقد سبق تشغيل هذا النظام في أكثر من خمس عشرة دولة على مستوى العالم منها الصين وسويسرا واندونيسيا، ويوفر عددًا من المزايا أهمها أنه يسمح بتعدد أسواق التداول وتعدد الأصول والمنتجات المتداولة بكل سوق على نحو متكامل ومترابط كما يسمح بتجاوز عدد العمليات المنفذة ضعفي الحد الأقصى المعمول به حالياً، وبسرعة تنفيذ كبيرة، كما أن النظام الجديد لديه القدرة على تطويع هياكل الأسواق مع متطلبات المستخدمين، مع إتاحته لآليات التداول بكل من سوقي الأوامر وصناع السوق كما يسمح أيضاً بتشغيل جلسة استكشافية لأسعار الفتح .

وقد روعي في اختيار النظام الجديد وتشغيله عدد من الاعتبارات يتخلص أهمها في المحاور التالية :

المحور الأول : المشاركة

تم إشراك المتعاملين في السوق بشكل كبير ومتميز في تهيئة النظام وتطوير عناصره لتناسب متطلباتهم واحتياجات السوق المصري، مع الحرص على مواكبة التطور العالمي في مجال الأسواق المالية، سعياً للانطلاق للعالمية من خلال آليات جديدة يتم تطبيقها للمرة الأولى في السوق المصرية خاصة وأسواق المنطقة بصفة عامة .

المحور الثاني : التوعية والتدريب

اضطلعت البورصة المصرية من خلال كوادرها المتخصصة بإعداد وتدريب السادة منفذي شركات السمسرة العاملة في السوق المصري على استخدام النظام، كما اهتمت البورصة بتوعية كافة المستخدمين بخصائص النظام ودقائقه، بحيث تراكمت لديهم القدرة على إبداء الرأي في تحسين أداء النظام وتطويره كما تقدمت الإشارة .

وقد تمت عملية التدريب في زمن قياسي لم يتجاوز خمسة أشهر . حيث تم تدريب ما يربو على 1000 منفذ للتعامل مع نظام التداول الجديد، والتأكد من مدى استيعابهم للجهد التدريبي من خلال عدد من الجلسات التجريبية بلغ نحو ثلاثين جلسة تجريبية كان هدفها الأسمى اختبار النظام خاصة بعد إجراء التعديلات عليه ليتوافق مع متطلبات مستخدميه .

المحور الثالث : تطوير البنية التكنولوجية

قامت البورصة بتطوير البنية التحتية التكنولوجية عن طريق تدعيم وتحديث الخوادم الرئيسة للتداول،وزيادة السعة التخزينية للبيانات، مع تدعيم الشبكة الداخلية وتطوير آمن المعلومات بالبورصة، وقد تم أيضاً إضافة خطوط آلياف ضوئية لاستيعاب الزيادة المطردة لشاشات التداول بشركات السمسرة . كما تم تحديث الحواسب الخاصة بالمنفذين . سواء في سعة الذاكرة، أو حجم وكفاءة الشاشة .

كما تم زيادة وتحديث الخوادم الخاصة بالأوامر الواردة عن طريق الإنترنت (E-Trade) ، لمواكبة الإقبال الشديد من قبل المستثمرين المصريين والعرب والأجانب على استخدام هذه الآلية .

خصائص نظام التداول الجديد X-Strem

1- تطبيق جلسة السعر الاستكشافى، بحيث يسمح للمنفذين تسجيل وتعديل الأوامر قبل بداية الجلسة العادية، بطريقة تمكن من استكشاف اتجاه السوق لكل ورقة مالية من خلال قواعد عمل الجلسة الاستكشافية، التي تقوم بحساب سعر فتح الورقة بصورة آلية بحتة . كما يتم إقفال الجلسة لتحديد السعر الاستكشافي للورقة المالية . الذي سوف يتحول إلى سعر الفتح للورقة خلال الجلسة العادية في لحظة عشوائية، تحول دون أية تلاعبات بسعر الفتح، ومن المتوقع أن الجلسة الاستكشافية من شأنها الحد من التقلب الشديد في أسعار الأوراق المالية، خاصة مع بداية جلسة التداول .

2- النظام الجديد يسمح بوجود أسواق تعمل في مجال واحد للتداول بصورة آلية ومتكاملة، أهمها أسواق الأسهم والسندات والخارج / أوامر، والسندات، والأدوات المالية المهيكلة والشركات الصغيرة والمتوسطة، وصناديق المؤشرات “ETFS” وغيرها من أسواق يمكن إضافتها مستقبلاً كما هو الحال مع أسواق الصكوك، والخيارات والمستقبليات، ومتخلف المشتقات التي يمنح تداولها بالسوق المصرية سبقاً وريادة بين أسواق المنطقة .

3- يتمتع النظام الجديد بالمرونة بالنسبة للمستخدمين، حيث يمكن مستخدميه من التعديل في محتوى، وشكل الشاشات وتطويعها، وتخزين أكثر من نمط وشكل للشاشة على أجهزتهم، بالطريقة التي تتناسب مع إمكانيات كل منفذ . كما يمكن النظام المنفذ من إعداد آليات للتحذير والتنبيه بصورة مرئية ومسموعة لجذب انتباهه في الوقت المناسب لأحداث معينة تهمه، ويتم اختيارها وتحديدها عن طريق كل منفذ .

4- مساعدة شركات السمسرة على إدارة المخاطر بشكل أكثر كفاءة، لتقدم خدمة أفضل لعملائها، من خلال استخدام خاصية التحكم في الحدود الدنيا والقصوى للأسعار والكميات التي يتعامل بها منفذوها على أوامر العملاء كما يساعد النظام إدارة الشركة على مراقبة منفذيها .

5- السعة الكبيرة للنظام تستوعب عدد أكبر من المتعاملين في السوق سواء كانوا مصريين أو أجانب أفرادًا أو مؤسسات كما يستوعب النظام أوامر وعمليات منفذة خلال جلسة التداول اليومية تربو على خمس أضعاف الطاقة الاستيعابية للنظام الحالي، بما يسمح بزيادة حجم التداول ومن ثم توسيع قاعدة الاستثمار في سوق الأوراق المالية ومواكبة التوسعات في شركات السمسرة وزيادة عدد المنفذين والمتعاملين بصفة عامة .

المؤشرات الجديدة

ومن المقرر أن تعلن البورصة المصرية عن إقفالات نهاية الجلسة لعدد من المؤشرات الجديدة التي سوف تطلقها البورصة على شاشات التداول في بداية عام 2009 على أن يتم الإعلان عن تلك المؤشرات بصورة لحظية على الشاشات في أواخر الربع الأول من العام الجديد .

يا طير يا عالي في السما طز فيك

سعد البحيري صحفي وباحث وكاتب وقارئ ... علي ما تفرج — Thu, 09 Oct 2008 20:30:00 +0000

رباعيات صلاح جاهين من اجمل ما قرات

-1-

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا … وحي بيصير تراب

الأصل هو الموت و الا الحياه ؟

عجبي !!!

-2-

ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!

-3-

ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!

-4-

و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!

-5-

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

-6-

يا باب يا مقفول … إمتي الدخول

صبرت ياما و اللي يصبر ينول

دقيت سنين … و الرد يرجع لي : مين ؟

لو كنت عارف مين أنا كنت أقول

عجبي !!!

-7-

أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!

-8-

سهير ليالي و ياما لفيت و طفت

و ف ليه راجع في الضلام قمت شفت

الخوف … كأنه كلب سد الطريق

و كنت عاوز أقتله .. بس خفت

عجبي !!

-9-

كان فيه زمان سحليه طول فرسخين

كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!

-10-

عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!

-11-

رقبه قزازة و قلبي فيها انحشر

شربت كاس و اتنين و خامس عشر

صاحبت ناس م الخمرة ترجع وحوش

و صاحبت ناس م الخمرة ترجع بشر

عجبي !!!!

-12-

ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!

-13-

ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!

-14-

نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!

-15-

علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ….. والا اتقتلت

عجبي !!

-16-

انا كل يوم أسمع …….. فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!

-17-

ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!

يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!

شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني …. و إيه العمل

عجبي !!!

أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!

إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!

إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

عجبي !!!

يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد … زي الصداع

عجبي !!!!

في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!

الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي !!!

علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي !!

إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !!

نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي !!!

- يا نجم .. نورك ليه كده بيرتجف ؟

هو انت قنديل زيت ؟ أو تختلف

- أنا نجم عالي .. بس عالي قوي

و كل ما انظر تحت اخاف انحدف

عجبي !!!!

السم لو كان في الدوا منين يضر ؟

و الموت لو عدونا .. منين يسر؟

حط القلم في الحبر و اكتب كمان

.. و العبد للشهوات .. منين هو حر؟

عجبي !!!

وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!

سرداب في مستشفي الولاده طويل

صرخات عذاب ورا كل باب وعويل

.. وفي الطــــــريق متزوقين البنات

متزوقـــــــــــــين للحب و المواويل

عجبي !!

الدنيا أوده كـــــــــــبيره للانتظار

فيها ابن أدم زيه زي الحـــــــمار

الهم واحد .. و الملل مشــــــترك

و مفيش حمار بيحاول الانتـــــحار

عجبي !!

أيوب رماه البين بكل العـــــــــلل

سبع سنين مرضان وعنده شلل

الصــــبر طيب .. صبر أيوب شفاه

بس الأكـــــــــاده مات بفعل الملل

عجبي !!!

نسمة ربيع لكن بتكوي الوشـــــــوش

طيور جميلة بس من غير عشـــوش

قلوب بتخفق إنما وحـــــــــــــــــدها

هي الحياه كده .. كلها في الفاشوش

عجبي !!!!

يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

عجبي !!!

كروان جريح مضروب شعاع م القمر

سقط من السموات فؤاده انكســـــــــر

جريت عليه قطه علشان تبلعـــــــــــه

أتاريه خيال شعراء و مالهـــــوش أثر

عجبي !!!

ياللي نصحت الناس بشــــــــــــــرب النبيت

مع بنت حلوه .. وعود , وضحك , وحديت

مش كنت تنصحهم منين يكســــــــــــــــبوا

تمن ده كله ؟ … و الا يمكن نســـــــــــيت

عجبي !!

ما حد في الدنيا واخد جزاتــــــــــــــــــه

و لا حــــــــــــــــد بيفكر في غير لذاذاته

ما تعرفيش يا حبيبتي .. أنا و انتي مين؟

إنتي عروس النيل … و أنا النيل بذاته

عجبي !!

رقاصه خرسا و رقصه من غير نغــم

دنيا . . يا مين يصالحها قبل النـــــدم

ساعتين تهز بوجههـــــــــــــــا يعنـي

يترجرجوا نهديها يعني نعـــــــــــــــم

عجبي !!!

إخطفني ياللي تحبني ع الحصان

الدنيا قالت يوم في ماضي الزمان

إخطفني ياللي تحبني ع الـــــفرس

الدنيا قالت .. قام خطفها الشيطان

عجبي !!!!

من بين شقوق الشيش و شقشقت لك

مع شهقة العصافير و زقزقـــــــت لك

نهار جديد انا . . قوم نشوف نعــمليه

انا قلت يا ح تقتلني .. يا ح اقــــــــتلك

عجبي !!!

جالك أوان ووقفت موقف وجـــود

يا تجود بده يا قلبي يا بده تجــــود

ما حد يقدر يبقي علي كل شـــــــئ

مع إن – عجبي – كل شئ موجود

عجبي !!!

جالك اوان وعرفت مشي الجنايــــــــز

كيف شفتها يا عبد رب اللذايــــــــــــذ

قال : شفت شيل بالحيل فقير أو اميـــر

كما شالوا في الخمامير فواضي القزايز

عجبي !!

أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

لابد ما يموت شئ عشان يحيا شئ

عجبي !!

يا مشرط الجراح أمانة علـــــــــــيك

و انت ف حشايا تبص من حواليــك

فيه نقطة سوده في قلبي بدأت تبان

شيلها كمان .. و الفضل يرجع إليك

عجبي !!!

كيف شفت قلبي و النبي يا طبيــــــــــــب

همد و مات و الا سامع له دبيـــــــــــــب

قاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب

عجبي !!!!

تسلم يا غصن الخوخ يا عود الحطـــــــــب

بييجي الربيع .. تطلـــــــــــع زهورك عجب

و انا ليه بيمضـــــــــــي ربيع وييجي ربيع

و لسه برضك قلــــــــــــــــــبي حتة خشب

عجبي !!!

قلبي عليل يا ناس و في الكاس دواه

مديت له إيدي شربت م اللي حــــواه

جنبي الشمال خف .. اليمين اتــــوجع

و إيه يداوي الكبد م اللي كـــــــــــواه

عجبي!!

.. دي مزكرات و كتبتها من ســـــــــنين

في نوتة زرقا لون بحور الحنيــــــــــــن

عترت فيها .. رميتها في المهمـــــــلات

وقلت صحيح أما صحيح كلام مخبولين

عجبي !!

دخل الشتا وقفل البيبان ع البـــيوت

وجعل شعاع الشمس خيط عنكبوت

وحاجات كتير بتموت في ليل الشــتا

لكن حاجات أكتر بترفض تمــــــوت

عجبي !!

- الدنيا من غير الربيع مــــــــيته

ورقة شجر ضعفـــــــانه و مـــفـــــتــته

- لا يا جدع غلطان تأمل وشوف

زهر الشتا طالع فــــــــي عز الشـــــتا

عجبي !!!

ياللي انت بيتك قش مفروش بريش

تقوي عليه الريح .. يصبح ما فيش

عجبي عليك حواليك مخالب كـــــبار

و ما لكش غير منقار و قادر تعيش

عجبي !!!!

سمعت نقطة ميه جوه المحيـــــــط

بتقول لنقطه ما تنزليش في الغويط

أخاف عليكي م الغرق .. قلـــــت أنا

ده اللي يخاف م الوعد يبقي عبيط

عجبي !!!

بحر الحياه مليان بغرقي الحياه

صرخت خش الموج في حلقي ملاه

قارب نجاه .. صرخت قالوا مفيش

غير بس هو الحب قارب نجاه

عجبي !!!

فارس وحيد جوه الدروع الحديد

رفرف عليه عصفور وقال له نشيد

منين .. منين.. و لفين لفين يا جدع

قال من بعيد و لسه رايح بعيد

عجبي !!

كان فيه قمر كأنه فرخ الحمام

علي صغره دق شعاع شق الغمام

أنا كنت حاضر قلت له ينصرك

إشحال لما حتبقي بدر التمام

عجبي !!

النهد زي الفهد نط اندلع

قلبي انهبش بين الضلوع و انخلع

ياللي نهيت البنت عن فعلها

قول للطبيعة كمان تبطل دلع

عجبي !!!

صوتك يا بنت الإيه كأنه بدن

يرقص يزيح الهم يمحي الشجن

يا حلوتي و بدنك كأنه كلام

كلام فلاسفه سكروا نسيوا الزمن

عجبي !!!!

كرباج سعاده وقلبي منه اجلد

رمح كأنه حصان و لف البلد

و رجع لي نصل الليل و سألني .. ليه

خجلان تقول انك سعيد يا ولد

عجبي !!!

مزيكة هادية الكون فيها انغـــــمر

وصيف و ليل و عقد فل و سمر

يا هلتري الناس كلهم مبسوطين

و يا هلتري شايفين جمال القمر ؟

عجبي!!

إنشد يا قلبي غنوتك للجمــــــــــــــــــال

و ارقص في صدري من اليمين للشمال

ما هوش بعيد تفضل لبكره سعيــــــــــد

ده كل يوم فيه الف الف احتمـــــــــــــال

عجبي !!

آه لو انا و محبوب جزنا الفضـــــا

في سفينة وحدينا .. واشيا رضـــا

ساعة صفا تعجبنا نرجع لهــــــــــا

و الهم قبل ما ييجي .. يبقي مضـى

عجبي !!

أنا إله الوجد رب الهيــــــــــــــــام

أضرب بسهم الوهم وهم الغـــــرام

و هم الغرام من كتر ما هو لذيـــــذ

رشقت انا ف صدري جميع السهام

عجبي !!!

حدوته عن جعران و عن خنفســــــــــه

اتقابلوا حوا بعض ساعة مســـــــــــــــا

و لا قال لهم حد اختشوا عيب حـــــرام

و لا حد قال دي علاقة متدنســــــــــــــة

عجبي !!!!

ياللي عرفت الحب يوم و انطــــــــــــوي

حسك تقال مشتاق لنبع الهـــــــــــــــوي

حسك تقول مشتاق لنبع الغــــــــــــــــرام

ده الحب .. مين داق منه قطره…ارتوي

عجبي !!!

زحام و أبواق سيارات مزعجـــــة

للي يطول له رصيف.. يبقي نجـــا

لو كنت جنبي يا حبيبي أنــــــــــــا

مش كنت أشوف إن الحياة مبهجة

عجبي!!

إيديا في جيوبي وقلبي طــــــــرب

سارح في غربة بس مش مغترب

و حدي لكين ونسان و ماشي كده

وبابتعد ما اعرف .. أو باقـــــترب

عجبي !!

يا ميت ندامه ع القلوب الخـــــــــــلا

لا محبة فيها و لا كراهـــــــــــه ولا

حتي يا قلبي الحزن ما عادش فيـــــك

معلهش .. لك يوم برضه راح تتملا

عجبي !!

مرحب ربيع مرحب ربيع مرحبــــــــــه

يا طفل يا للي ف دمي ناغا وحبــــــــا

علشان عيونك يا صغنن هويــــــــــــت

حتي ديدان الأرض و الأغربــــــــــــــة

عجبي !!!

فتحت شباكي لشمس الصبـــــــــــــــــاح

ما دخلش منه غيــــــــــر عويل الريـــاح

و فتحت قلبي عشان ابوح بالألـــــــــــــم

ما خرجش منه غير محبه و سمــــــــاح

عجبي !!!!

غمست سنك في السواد يا قلـــــــــــــــم

عشان ما تكتب شعر يقطر ألــــــــــــــــم

مالك جرالك إيه يا مجنون … و ليــــــــه

رسمت ورده وبيت و قلب و علـــــــــــم

عجبي !!!

انا الذي عمري اشتياق في اشتيـــاق

و قطر داخل في محطة الـــــــــفراق

قصدت نبع السم وشربت ســـــــــم

من كتر شوقي وعشمي في التريـــاق

عجبي !!!

انا الذي عشت الزمن مضيعـــــــــه

بروح حزينة معفنة مضعضعــــــه

زرعتشجرة سنط لجل انجــــــرح

لقتها شعر البنت و مفرعــــــــــــه

عجبي !!

لو فيه سلام في الأرض وطمان و أمن

لو كان مفيش و لا فقر و لا خوف جبن

لو يملك الانسان مصير كل شـــــــــــئ

انا كنت اجيب للدنيا ميت ألف ابــــــــــن

عجبي !!

العشب طاطا للنسايم و نـــــــــــــــــــــخ

أخضر طري مالهش في الحســـــــن أخ

عصفور عبيط انا .. غاوي بهجه و غنا

ح انزلهنا.. و انشا لله يهبرني فــــــــخ

عجبي !!!

أوصيك يابني بالقمر و الزهـــــــــــــور

أوصيك بليل القاهرة المسحـــــــــــــور

و إن جيت في بالك .. إشتري عقد فل

لأي سمرا.. وقبري إوعك تـــــــــزور

عجبي !!!!

غمض عينيك و ارقص بخفة و دلع

الدنيا هي الشابة و انت الــــــــجدع

تشوف رشاقة خطوتك تعبــــــــدك

لكن انت لو بصيت لرجليك ….تـقع

عجبي !!!

حاسب من الاحزان و حاســـــــب لها

حاسب علي رقابيك من حبلـــــــــــها

راح تنتهي و لابد راح تنتهــــــــــي

مش انتهت أحزان من قبلهــــــــــا؟

عجبي !!!

يأسك و صبرك بين إيديك و انت حر

تيأس ما تيأس الحياه راح تــــــــمر

أنا دقت مندا ومندا عجبي لقيــــــت

الصبر مر و برضك اليـأس مـــــــر

عجبي !!

ولدي نصحتك لما صوتي اتنبــــــــــــح

ما تخفش من جني و لا من شبـــــــــح

و ان هب فيك عفريت قتيل إسألـــــــــه

ما دافعش ليه عن نفسه يوم ما اندبح

عجبي !!

ولدي إليك بدل البالون ميت بالــــــون

انفخ وطرقع فيه علي كل لـــــــــــون

عساك تشوف بعينك مصيرالرجــــــال

المنفوخين في السترة و البنطلـــــون

عجبي !!!

خوض معركتها زي جدك ما خــــاض

صالب و قالب شفتك بامتـــــــــــعاض

هي كده…ما تنولش منها الأمـــــــل

غير بعض صد ورد ووجاع مخاض

عجبي !!!!

كام اشتغلت يا نيل في نحت الصخور

مليون بئونه و الف مليون هاــــتور

يا نيل أنا ابن حلال و من خلفتــــــك

و ليه صعيبه علي بس الأمــــــــور

عجبي !!!

منين أجيبها كلمه متألمـــــــــــــــــة

لعيبه فايره حايره و مصممــــــــــه

منين اجيبها كلمه تكون بنـــت ارض

تشفي اللي ما شافهوش كلام السمـا

عجبي !!!

أنا قلت كلمة و كان لها معنييـــــــــن

كما بطن واحده و توأمين زي وشين

لو دنيا شر.. التوأم الخير يمـــــــوت

لو دنيا خير .. الشر ح يعيش مــنين

عجبي !!

أنا اللي بالأمر المحال اغتــــــــــــوي

شفت القمر نطيت لفوق في الهـــــوا

طلته ما طلتوش إيه انا يهمنـــــــــي

و ليه .. ما دام بالنشوة قلبي ارتوي

عجبي !!

بره القزاز كان غيم و أمطار و بــــــــرق

ما يهمنيش – أنا قلت – و لا عندي فرق

غيرت رأيي بعد ساعة زمـــــــــــــــــان

و كنت في الشارع .. و في الجزمة خرق

عجبي !!!

عيني رأت مولود علي كتف أمـــــــــــه

يصرخ تهنن فيه يصرخ تضــــــــــــمه

يصرخ تقول يا بني ما تنطق كـــــــلام

ده اللي ما يتكلمش يكتر همـــــــــــــه

عجبي !!!!

يا عندليب ما تخافش من غنوتك

قول شكوتك و احكي علي بلوتك

الغنوه مش ح تموتك إنمــــــــــا

كتم الغنا هو اللي ح يموتــــــــك

عجبي !!!

ياللي بتبحث عن إله تعــــــــــــبده

بحث الغريق عن أي شئ ينجـــده

الله جميل و عليم و رحمن رحــيم

أجمل صفاته .. وانت راح توجده

عجبي !!!

حقرا و فوق كوكب حقير محتقـــــــر

في الكون تكون دنياكو إيه يا بــــــقر

رملايه من صحرا ؟ لكين إيش تقول

و الكون بحاله جوه عقل البشــــــر

عجبي !!

لا تجبر الانسان و لا تخـــــــــيره

يكفيه ما فيه من عقل بيحيــــــره

اللي النهارده بيطلبه و يشتهــــيه

هو اللي بكره ح يشتهي يغيـــــره

عجبي !!

ياللي في حماه الشمس تلقي المــــلاذ

و ألف بكره و بكره .. في ضلوعه لاذ

مين أنت ؟ مارد ؟ رب ؟ قال لأ ده بس

انا اللي باروي القمح و اسقي الفــولاذ

عجبي !!!

غسل المسيح قدمك يا حافي القـدم

طوبي لمن كانوا عشانك خــــــــدم

صنعت لك نعليك أنا يا أخــــــــــــي

مستني إيه .. ما تقوم تدوس العدم

عجبي !!!!

البط شال عدي الجبال و البحــــــور

ياما نفسي اهج .. احج ويا الطــيور

أوصيك يا ربي لما اموت .. و النبي

ما تودنيش الجنه .. للجنه ســـــــور

عجبي !!!

طال انتظاري للربيع يرجــــــــــــــع

و الجو يدفا و الزهور تطلــــــــــــع

عاد الربيع عرمرم شبـــــــــــــــاب

إيه اللي خلاني ابتديت افــــــــزع ؟

عجبي !!!

و لو اتضنيت و فنيت وعمري انفرط

مش عاوز الجأ للحلول الوســـــــــط

و كمان شطط و جنون مانيش عــاوز

يا مين يقول لي الصح فين والغلــــط

عجبي !!

عاد الربيع كأنه طعم الحــــــــــــــــــب

و الحب نار جوه العروق بتصـــــــــب

اتمتع ازاي بيه وانا متقطـــــــــــــــع

من كتر خوفي لا في الخطيئة يطب ؟

عجبي !!

ازاي شبابنا يقوم و ياخـــــــــد دوره

من غير صراخ يئذيه و يجرح زوره

يا هلتري أحسن له يقعد ساكـــــــــت

أو ينترك و لو خرج عن طــــــوره ؟

عجبي !!!

عيني رأت عصفور ووياه ابـــــــــنه

بيحدفه في الريح و ياخده ف حضنه

نوبتين و تالت نوبه – عجبي عليهم –

كانوا سوا بيرفرفرا و يغنـــــــــوا

عجبي !!!!

احسن ما فيها العشق و المعشقــــــة

و شويتين الضحك والتريقـــــــــــــة

شفت الحية . لفيت . لقيت الألــــــــذ

تغييرها . و ده يعني التعب و الشقا

عجبي !!!

عجبي علي العجب العجيب العجاب

لما الحقيقة تطل بعد احتجاب

و تروح و تحلا وفجأة تصبح مفيش

كمثل طراطيش بحر ياما خد و جاب

عجبي !!!

في الهو ماشي يا بهلوان إش إِش

يا فراشة منقوشة علي كل وش

شقلبت عقلي و عقلي شقلبني

و كنت باحسبني بقيت ما اندهش

عجبي !!

وقفت ساعة الصبح باغسل سناني

قالت لي شايف قوتي و لمعاني ؟

إيش تطلب اليوم مني ضحكة أسد ؟

والا ابتسامة اعلانات أمريكاني ؟

عجبي !!

الحلو يم اليم صابــــــــــح رايح

سارح في حضن الميه سابح سايح

الحلو داب في البحر , قلــــت أدوقه

وجدت لسه البحر برضك ماــــــلح

عجبي !!!

يا كل كلمة للعجب في قامــــــــــــوس

انسكلوبيديا لسان العرب أو لا لاروس

تعالوا نجدة . ده لسه في عصـــــرنا

الشمس و البحر العريض بالفـــلوس

عجبي !!!!

الموج تلول تهبط وتطلع تلــــــــــــول

يا بحر خدني الشط صاحبك ملـــــــول

و الا بلاش الشط ح اعمل به أيـــــــه

ده ريحته طحلب مهري و ام الخلــول

عجبي !!!

ما آنتاش بتلعب ليه يا روح بابــــا ؟

و لا عسكري و لا لص في عصابة ؟

إلعب أسد أو ديب رهيب أو غـــــزال

دي الدنيا في نهاية المطاف غابـــــة

عجبي !!!

ورد في ورق سلوفان يا حلوة اهديلك ؟

و الا انقله بالطين في الشتلة و اجيلـــــك

الأولاني لو وحا بحنــــــــــــــــــــــانــي

عجبي علي التاني بإيــــــــه يوحيلــــــــك

عجبي !!

أنا قلبي كوكب و انطلق في المدار

حواليكي يا محبوبتي يا نور ونـــار

يلف مهمــــا يلف ما بيكتفــــــفيش

وتمللي نصه ليل و نصه نهــــــــار

عجبي !!

الأرض شوك أيوه لكين هايش

و الحمرة مش يعني الطريق حايش

دي دمنا السيال .. وبشرة خيـــــــر

ان انتي عايشة و ان كنت أنا عايــش

عجبي !!!

إيه اللي خدته من مرور السنــــــين

يا قلبي الا دمعتك و النيــــــــــــــين

بتئن و ترجع و بتفرح و ترجع تحــن

مع إن مش كل البشـــــــــــر فرحانين

عجبي !!!!

اوقات أفوق و يحل عني غبــــــــــايا

واشعر كأني فهمت كل الخبايـــــــــــا

و افتح شفايفي علشــــــان اقول الدرر

ما أقولش غير حبة غزل في الصبايــــا

عجبي !!!

عيني رأت مخلوق في غاية البشاعة

أنا قلت له لما تأملته ساعـــــــــــــة

اللذه و الموت علموك اللــــــــــزج

و انا علموني الفلسفة و الشجاعــة

عجبي!!

غطس وقب الموج نهود بمبي

من ألف جيل جمالات ما تعلم بي

يا قلبي عيب دول امهاتنا القدام

أستغفر الله العظيم ربـــــــــــــي

عجبي !!

علقت في المسمار قناع مهزلة

ومعاه قناع مأساة بحزنه ابتـــلا

بصيت لقيتهم يشبهوا بعضهـــم

واهو ده العجب يا ولاد و الا فلا

عجبي !!

ظهر المسيح الحي علي سفح ربـــــــــوة

و نزل بهالة الضي و قعد في قهـــــــــوة

بصوا .. تعالوا .. قالوا خليه في حالــــــــه

الناس في حالهم يا بني .. مالهمش دعوة

عجبي !!!

لولا اختلاف الرأي يا محـــــترم

لولا الزلطتين ما لوقود انضرم

و لولا فرعين ليف سوا مخاليف

كان بيننا حبل الود كيف اتبرم ؟

عجبي !!!!

يا وردة قلبي معاكي في الريح لعب

لا تعبتي م الريح و لا قلبي تعــــــــب

احنا كده : نرتاح في صخب الجنون

و في السكون بنخاف قوي و نترعب

عجبي !!!

مركب ورق من نفخة تتطـــــــــوح

ركبتها و الكل بيــــــــــــــــلوح

سوحت فيها اتنين و خمسين سنــــه

للآن ….. و لا بتغرق و لا تـــــروح

عجبي!!

عالجسر فت الصبح تحت الضباب

بين اللي لسه بينغرس و اللي طاب

ما اهتز قلبي لنبت طالع جديـــــــد

قد اللي ماشي .. وتحت باطه كتاب

عجبي !!

يا خالق الكون بالحساب و الجبر

و خالقني ماشي بلختيار و الجبر

كل اللي حيلتي زمزمية أمـــــــل

وازاي تكفيني لباب القــــــــــــبر؟

عجبي !!

قاعدة قناني الخمر ساكتة و ساهية

مع ابن آدم في الشبه متناهيـــــــــــة

مفيش كده روقان في لحظة تشوفهم

و بعدها بلحظه يودوا في داهيــــــه

عجبي !!!

حتة محارة وجدتها في يوم لقيـة

قالت لي شوف كيف الطبيعة شقية

نظرت للكهف اللي فيها و لقيــــت

إن الطبيعة كمان لا أخلاقيــــــــــة

عجبي !!!!

بلياتشو قال إيه بس فايدة فنونــــي ؟

و تلات وقق مساحيق بيلونونـــــــي

و الطبل و المزامير و كتر الجعـــــــير

إذا كان جنون زبوني زاد عن جنوني

عجبي !!!

نقطة مرارة كمان علي مشروبـــــــــــي

دوبها يا ساقي حسب مطلوبـــــــــــــــي

طعب الحياة .. مش برضه فيها و فيها ؟

ليالي وردي و نهارات خروبــــــــــــي ؟

عجبي!!

وسط الحطام اتفرجوا يا أنـــــــــام

تمثال ملك . و مبوله م الرخــــــام

لتنين نحتهم نفس أسطي الحجــــر

و كانوا ذات يوم كتلتين لسه خــام

عجبي !

عيد و العيال اتنططوا ع القبـــــــور

لعبوا استغمايه .. و لعبوا بابــــــور

و باللونات و نايلونات شفتشـــــــي

و الحزن ح يروح فين جنب السرور

عجبي !!

أنا قلبي كورة و الفراودة أكــــــــــم

ياما اتنطح و انشاط و ياما اتعكـــــم

و اقول له كله ح ينتهي في المعـــاد

يقول بساعتك ؟ و الا بساعة الحكم ؟

عجبي !!!

الضحك قال يا سم ع التكشيـــــــر

امشير و طوبه وانا ربيعي بشيـر

مطرح ما باظهر بانتصر ع العدم

انشالله أكون رسماية بالطباشيــر

عجبي !!!!

أهوي الهوي و همس الهوي في العيون

وبسمة المغرم ودمعه الحنـــــــــــــــون

و زلزلات الحب نهد الصبـــــــــــــــــــــا

أكون انا المحبوب أو لا أكــــــــــــــــون

عجبي !!!

يا ملونين البيض في شم النسيـــــم

لون الحنين و الشوق و خمر النديم

ما تعرفوش سايق عليكو النبــــــي

تلونوا الأيام بلون النعيــــــــــــــم ؟

عجبي!!

الدنيا صندوق دنيا .. دور بعــــد دور

الدكة هي .. و هي كل الديكـــــــــور

يمشي اللي شاف ويسيب لغيره مكان

كان عربجي أو كان امبراطــــــــور

عجبي !

قطي العزيز راقد علي الكنبــــــات

في نوم لذيذ .. و بيلحس الشنبات

و انا كل عين فنجان مدلدق قلــق

صدق اللي قال إن الحياة منابات

عجبي !!

قالوا السياسة مهلكة بشكل عـــــــــــام

و بحورها يا بني خشنة مش ريش نعام

غوص فيها تلقي الغرقانين كلهــــــــــم

شايلين غنايم .. و الخفيف اللي عـــــام

عجبي !!!

سلام سلام سلام سلام … سلام

كلام كلام كلام كلام … كلام

هز الورق يا صاحبي كدهــــوه

يطلع كلام سلام .. و سلام كلام

عجبي !!!!

فوق تحت . ورا قدام . يمين شمـــال

في الجو . تحت الميه . أو في الرمال

طلب الكمال يحرم علي الممـــــــــكن

و الممكنات دول محرومين م الكمال

عجبي !!!

هات يا زمان و هات كمان يا زمان

غير بسمة الشجعان مامني يــــبان

هو اللي داق الفرحة يوم ثورتـــــه

يقدر يعود و لا ثانية للأحــــــزان ؟

عجبي!!

عبثا باقول واقرا في سورة عبس

ماتلومش حد إن ابتسم أو عبس

فيه ناس تقول الهزل يطلع جــــد

و ناس تقول الجد يطلع عبـــــث

عجبي !

يومي علي الله تنتهي و تغيــــب

الشمس و تعود تاني يوم لهاليب

زي الحياة مأساه و من كترهــــا

بقي لا انتهاءها و ابتداءها عجيب

عجبي !!

علم اللوع اضخم كتـــــــــاب في الأرض

بس اللي يغلط فيه يجيـــــــــبــه الأرض

أما الصراحة فأمرها ســـــــــــــــــاهل

لكن لا تجلب المال و لا تصون العرض

عجبي !!!

أنا كان لي أب . و كان رئيس محكـــمه

ستين سنة .. في قضية واحدة أترمي

ستين سنة و طلع براءة و خــــــــرج

يشكي الحياة و الموت لرب السمـــــا

عجبي !!!!

قالوا ابن آدم روح و بدنه كفـــــــــــن

قالوا لأ بدن . قالوا لأ ده روح في بدن

رفرف فؤادي مع الرايات في الهــــــوا

أنا قلت لأ روح في بدن في وطــــــــن

عجبي !!!!